SALLE DE LECTURE


Les Charactères et pourtraictures tracés d’après les modelles anticques 
Nicole Langelier
(dans Anatole France
Monsieur Bergeret à Paris, 1901)


Chapitre I

Des Trublions qui nasquirent en la Republicque

            Lors parurent gens dans la ville qui poussoient grands cris, et feurent dicts les Trublions, pour ce que ils servoient ung chef nommé Trublion, lequel estoit de haut lignage, mais de peu de sçavoir et en grande impéritie de jeunesse. Et avoient les Trublions ung autre chef, nommé Tintinnabule, lequel faisait beaux discours et carmes mirifiques. Et avoit esté piteusement mis hors la republicque par loi et usaige de ostracisme. De vrai le dict Tintinnabule estoit contraire à Trublion. Quand cettuy tiroit en aval cet autre tiroit en amont. Mais les Trublions n’en avoient cure, étant si fols gens, qui ne sçavoient où alloient.

            Et vivoit lors en la montaigne un villageois qui avoit nom Robin Mielleux ; jà tout chenu, en semblance de fouyn, ou blereau, de grande ruse et cautèle, et bien expert en l’art de feindre, qui pensoit gouverner la cité par le moyen de ces Trublions, et les flattoit et, pour les attirer à soy, leur siffloit d’une voix doucette comme flûte, selon les guises de l’oyseleur qui va piper les oisillons. Estoit le bon Tintinnabule esbahi et marri de telles piperies et avoit grand paour que Robin Mielleux, lui prist ses oisons.

            Dessoubs Trublion, Tintinnabule et Robin Mielleux, tenoient commandemans dans la caverne trublionne :

            iij coquillons bien aigres,

            xxj marranes,

            un quarteron de bons moines mendiants,

            iv demagogues misoxènes, xénophobes, xénoctones et xénophages ; et six boisseaux de gentilhommes dévots à la belle dame de Bourdes, en Navarre.

            Par ainsi avoient chefs divers et contraires les Trublions. Et estoit bien importune engeance, et de mesme que Harpyes, ainsy que rapporte Virgilius, assises dessus les arbres, crioient horriblement et gastoient tout ce qui gisoit dessoubs elles, semblablement ces maulvais Trublions se guindoient es corniches et pinacles des hostels et ecclises pour de là despiter, garbouiller, embouser et compisser les bourgeois débonnaires.

            Et avoient diligemment choisi ung vieil coronel, du nom de Gelgopole, le plus inepte es guerres que ils eussent peu treuver, et le plus ennemi de toute justice et contempteur des lois augustes, pour en faire leur idole et parangon, et alloient crier par la ville : « Longue vie au vieil coronel ! » Et les petits grimauds d’école piailloient semblablement à leur derrière : « Longue vie au vieil coronel ! » Faisoient les dicts Trublions force assemblées et conventicules en lesquelles vociféroient la santé du vieil coronel, d’un telle véhémence de gueule, que les airs en estoient estonnés et que les oiseaux qui voloient pour lors sur leurs testes en tomboient estourdis et morts. De vray, estoit bien vilaine manie et phrénésie très horrible.